ޖުޑީޝަލް ސަރވިސް ކޮމިޝަންގެ ރައީސްކަމުގެ މަޤާމަށް އޮނަރަބަލް އަލްއުސްތާޛު ޢަލީ ޙަމީދު މުޙައްމަދު ޢައްޔަން ކުރުމަށް ޖޭއެސްސީން މިއަދު ނިންމައިފިއެވެ.
އެ ކޮމިޝަނުން ބުނީ މިއަދު ބޭއްވުނު ކޮމިޝަންގެ ޖަލްސާގައި ކޮމިޝަނުން ހުސްވެފައިވާ ރައީސްކަމުގެ މަޤާމަށް ބޭފުޅަކު ޢައްޔަންކުރުމަށް ނެގުނު ވޯޓުން ކޮމިޝަންގެ ރައީސްކަމުގެ މަޤާމަށް ސްޕުރީމްކޯޓުން ޖުޑީޝަލް ސަރވިސް ކޮމިޝަނަށް ކަނޑައެޅުއްވި މެމްބަރު އޮނަރަބަލް އަލްއުސްތާޛު ޢަލީ ޙަމީދު މުޙައްމަދު ޢައްޔަންވެގެން ދިއައީ އެކަމަށްޓަކައި ނެގުނު ވޯޓުގެ އަޣުލަބިއްޔަތުން ކަމަށެވެ.
