ކެމެރޫން ފުލުހުންނާ ބޯކޯހަރާމްގެ ހަނގުރާމަވެރިންނާ ދެމެދު ކުރިއަށްދާ ކުރިމަތިލުންތަކުގައި މިހާތަނަށް ބޯކޯހަރާމްގެ 143 ހަނގުރާމަވެރިން މަރާލެވިއްޖެކަމަށް ކެމެރޫންގެ ސަރުކާރުން ބުނެފި އެވެ.
އެގައުމުގެ ކޮމިއުނިކޭޝަންސް މިނިސްޓަރު މިހެން ވިދާޅުވީ އެގައުމުގެ ގައުމީ ޓީވީއާއި ގައުމީ ރޭޑިއޯ މެދުވެރިކޮށް ދެއްވި ބަސްދީގަތުމެއްގަ އެވެ.
ކޮމިއުނިކޭޝަން މިނިސްޓަރު އިއްސާ ޗިރޯމާ ބަކާރީ ވިދާޅުވީ ނައިޖީރިއާއަށް ނިސްބަތްވާ ބޯކޯހަރާމަށް ކެމެރޫންގެ ބިމުގައި ކުރި ނުހޯދޭނެ ކަމަށާއި ވަކިވަކިން މަރާ ހުސްކުރާނެ ކަމަށެވެ.
