މަޙަލްދީބު ފައުންޑޭޝަނުން އިސްނަގައިގެ “ މަހަލްދީބްފީމާސޭވްވިޝަން“ ނަމުގައި ލޮލުގެ ބަލިތަކަށް ފަރުވާދިނުމަށް ކުރިއަށް ގެންދިޔަ މެޑިކަލް ކޭމްޕު ނިންމާލައިފި އެވެ.
މި ކޭމްޕަކީ މަހަލްދީބު ފައުންޑޭޝަނާއި ޕާކިސްތާނުގެ ފީމާސޭވްވިޝަންއާއި ސަޢުދީ ޢަރަބިއްޔާގެ އިންޓަނޭޝަނަލް އިސްލާމިކް ރިލީފް އޯރގަނައިޒޭޝަންއަދިމިނިސްޓްރީ އޮފް ހެލްތާއި ގުޅިގެން ޖެނުއަރީމަހުގެ 4 ން 8 އަށް ލޮލުގެ ބަލިތަކަށް ފަރުވާދިނުމަށް ކުރިއަށް ގެންދިޔަ ކޭމްޕެއް ކަމަށާއި މި ކޭމްޕް ހިންގާފައި ވަނީ ހުލޫމާލެ ހޮސްޕިޓަލުގައާއި އައި.ޖީ.އެމް. ހޮސްޕިޓަލުގައި ކަމަށް ހެލްތު މިނިސްޓްރީން ބުނެ އެވެ.
މިނިސްޓްރީން ބުނީ މިކޭމްޕް މިމަހުގެ 8 ވަނަ ދުވަހު ނިމިގެން ދިޔައިރު ޖުމްލަ 888 މީހުންނަށް ވަނީ ފަރުވާދެވިފައިވާކަމަށެވެ. މީގެ ތެރެއިން 36 މީހެއްގެ ލޮލުގެ އެކިކަހަލަ އޮޕަރޭޝަންތައް ކުރެވިފައިވާއިރު 316 މީހަކަށް އައިނު ނަންބަރުވަނީ ނަގާދެވިފައި ވާކަމަށްވެސް މިނިސްޓްރީން ބުނެއެވެ.
މިނިސްޓްރީން އިތުރަށް ބުނީ މިކޭމްޕްގައި ފަރުވާ ދިނުމަށް ސައުދީ ޢަރަބިއްޔާ އާއި ޕާކިސްތާނުގެ ލޮލުގެ ބަލިތަކާއި ގުޅޭ ތަޖުރިބާކާރު ސުޕެޝަލިސްޓުންވަނީ ހަރަކާތްތެރިވި ކަމަށާއި އަދި ކޭމްޕްގެ ފަރާތުން ބޭސް ދޫކޮށްފައިވަނީ މުޅިން ހިލޭ ކަމަށެވެ.
