ކަޓްއޮފެއް ވަގަށް ނެގި މީހަކަށް ހަމަލާދީ ބޯ ފަޅާލައިފި އެވެ.
ދުވަހަށް މައުލޫމާތު ދެއްވަމުން ފުލުހުންގެ މީޑިއާ އޮފިޝަލް ވިދާޅުވީ ފިލިގަސްމަގުގައި ހުންނަ ބާނީ ހޮޓާ ކައިރީގައި ހުރި ތަނަކުން ކަޓްއޮފެއް ވަގަށް ނެގި މީހަކަށް ހަމަލާދީ ބޯފަޅާލާފައިވާކަން މެންދުރު 12:25 ހާއިރު ފުލުހުންނަށް ރިޕޯޓްކުރުމުން ފުލުހުން އެ ސަރަހައްދަށްގޮސް، ފުލުހުންގެ އެހީތެރިކަމާއެކު އެމީހާ އައިޖީއެމް ހޮސްޕިޓަލަށް ގެންގޮސްފައިވާކަމަށެވެ.
އަދި ވަގަށްނެގި ކަޓްއޮފް ފުލުހުންގެ ބެލުމުގެ ދަށަށް ގެންގޮސްފައިވާކަމަށާއި މި މައްސަލައާއި ގުޅިގެން ދެމީހަކު ހައްޔަރުކޮށްފައިވާކަމަށްވެސް ފުލުހުންގެ މީޑިއާ އޮފިޝަލް ވިދާޅުވި އެވެ.
