މާލޭ ދެކުނު ފަރާތު ނެރުގެ ފައިކަށްޓަށް ލޯޗެއް އަރައި ލޯންޗު ފަޅައިގެން ގޮސްފި އެވެ.
މިހާދިސާގައި ދިޔަވެފައިވަނީ ސަން އޯޝަން ޕްރައިވެޓު ލިމިޓެޑްގެ ލޯންޗެއްގައި އެވެ. ހާދިސާ ހިނގި އިރު ލޯންޗުގައި 15 މީހުން ތިބި ކަމަށާއި އެއްވެސް މީހަކަށް ގެއްލުމެއް ނުވާކަމަށް އެމްއެންޑީއެފުން ބުނެ އެވެ.
ހާދިސާ ހިނގައިގެން އުޅޭކަމުގެ ރިޕޯޓު އެމްއެންޑީއެފްގެ މެރިޓައިމް ރެސްކިއު ކޯޑިނޭޝަން ސެންޓަރަށް ކޮށްފައިވަނީ މިރޭ 10:00 އެހާއިރު އެވެ.
އެމްއެންޑީއެފުން ބުނީ އެމްއެންޑީއެފަށް އެ މައުލޫމާތު ރިޕޯޓު ކުރުމުން ގޮސް ކެރޭނެއްގެ އެހީގައި ލޯންޗު ނެގުމަށް ވެރިފަރާތަށް އެހީތެރިވެދީފާނެ ކަމަށެވެ. އަދި ފަޔާ އެންޑް ރެސްކިއުއިން ލޯންޗުން ފެން ހިއްކަން އެހީވެދީފައިވާ ކަމަށް ބުންޏެވެ.
އެމްއެންޑިއެފުން ބުނީ ހާދިސާ ހިނގަން މެދުވެރިވި ސަބަބު ހޯދަމުންދާ ކަމަށެވެ.
One Response
kandumatheege gavaaidhu thaakaa hilaafah dhuvanyaa vaanee thihen
bandharah vahdhaa iru dhuhvey enme madu speed gai dhuhvan jehey