ތަރުކާރީ އާއި މޭވާ އަދި ތަފާތު ވައްތަރުގެ ފަތްޕިލާވެއްޔަކީ ހަށިގަނޑަށް އެކި ގޮތްގޮތުން ފައިދާ ކުރާ ބާވަތްތަކެވެ. ޒަމާނަށް އަންނަމުންދާ ބަލާއި އެކު ހަށިގަނޑު ރަނގަޅު ރީތި ބައްޓަމެއްގައި ހުރުމަކީ ކޮންމެ މީހަކުވެސް ސަމާލުކަން ދޭ ކަމެކެވެ.
ހަށިގަނޑު ރަނގަޅު ރީތި ބައްޓަމަކަށް ހުރުމަށް ސިއްހަތަށް ފައިދާ ހުރި ކާނާ ކެއުމަކީ ކޮންމެ ދުވަހަކު ކުރަންޖެހޭ ކަމެކެވެ. އެގޮތުން ސިއްހަތު ރަނގަޅު މީހެއްގެ ގޮތުގައި ހުރުމަށް ހުރިހާ ގަޑިއެއްގައި ކާއިރު ހިމަނަން ވަރަށް މުހިންމު ފަސް ރަހައެއް ވެ އެވެ.
ތިރީގައި އެ ވަނީ އެ ފަސް ރަހަ އާއި އެ ރަހަތަކުން ހަށިގަނޑާއި ގުނަވަންތަކަށް ކުރާ ފައިދާ އެވެ.
ލޮނުރަހަ:
ލޮނު ރަހައަކީ ހަށިގަނޑަށް ބޭނުންވާ ފެން ބޭނުންވާ ވަގުގައި ފޯރުކޮށްދޭން އެހީވެދޭ ރަހައެކެވެ. ހާއްސަކޮށް ފިނި ދުވަސްވަރުގައި ލޮނު ކާއެއްޗެހި ކެއުމުން ހޫނު ގަދަވާ ދުވަސްވަރު ކިޑްނީ އަށާއި ކުޑަކަމުދާ ނިޒާމަށް ބޭނުންވާ ފެން ފޯރުކޮށްދެ އެވެ. ލޮނުގެ ގޮތުގައި ކާންޖެހެނީ ޕެކެޓު ލޮނު އެކަންޏެއް ނޫނެވެ. މޫދު ލޮނުވެސް ހަމަ އެންމެ ރަނގަޅެވެ. އަދި ލޮނު ރަހަ ބޮޑަށް އެކުލެވޭ ކާނާވެސް ރަނގަޅެވެ.
ތަފާތު ރަހަގަ ގަދަ ފަތްޕިލާވެލި:
ތަފާތު ވައްތަރުގެ ފަތްޕިލާވެއްޔާއި ހަށިގަނޑަށް ފައިދާ ހުރި ތަފާތު ވައްތަރުގެ ތަރުކާރީ އޮށަކީ ހަށިގަނޑަށް ފައިދާ ހުރި އެއްޗިއްސެވެ. ރަހަގަދަ ފަތްޕިލާވެލިން ހިތުގެ ބަލިތަކަށް ފަރުވާލިބޭއިރު ހަށިގަނޑުގައި ހުންނަ ކުދި ކުދިން މައްސަލަތައް ހައްލުވެ ގުނަވަންތައް ވަރުގަދަ ކޮށްދެއެވެ.
ފޮނި ރަހަ:
ފޮނި ރަހަ ހަށިގަނޑަށް ފޮނުވުމަށް ކާން ޖެހެނީ ހަމަ އެކަނި ހަކުރެއް ނޫނެވެ. ހަކުރު އަޅައިގެން ފާޑު ފާޑުގެ އެއްޗިއްސެއް ނޫނެވެ. ކެރެޓް، ކެބެޖު އަދި އަލުވި ކަހަލަ އެއްޗެހި ފެނު ކައްކާލައިގެން ކެއުމުންވެސް ފޮނި ރަހަ ހަށިގނޑަށް ފޯރުކޮށްދެ އެވެ. ހަށިގަނޑަށް ބޭނުންވާ ފޮނި ރަހަ ލިބުމުން ބަނޑުގެ މައްސަލަތަކާއި ހަޖަމް ކުރުމުގެ މައްސަލަތަކުގެ އިިތުރުން ސެލް ތަކަށް ދިމާވާ މައްސަލަތަކަށް ހައްލު ލިބެ އެވެ.
ހުތް ރަހަ:
ހުތް ރަހަ ގަދަ އެއްޗެހި ކޮންމެ ދުވަހެއްގެ ކާގަޑީގައި ހިމެނުމުން ހަށިގަނޑަށް ބޭނުންވާ ހަކަތަ ވަރަށް އަވަހަށް ލިބެ އެވެ. އަދި ހާއްސަކޮށް ފުރަ މޭ ވަރުގަދަކޮށްދީ ރައްކާތެރިކޮށްދެ އެވެ.
ކުޅި ރަހަ:
ކުޅި ރަހަ އަކީ ހަށިގަނޑަށް މުހިންމު ރަހަ އެކެވެ. ކުޅި ރަހައިގެ ސަބަބުން ބޮޑުކަމުދާ ނިޒާމު ހަމަޖައްސައި ދެއެވެ. އަދި ފުއްޕާމޭގެ މައްސަލަތަކަށް ހައްލު ލިބޭއިރު ލެއަށްވެސް ކުޅި ރަހަ އަކީ މުހިންމު ރަހައެކެވެ.
