ޓީޖެޓީ ސަރަހައްދުގައި އޮތް ދޮށި-2 ދޯނީގައި ހުރި ބިދޭސީއަކު މޫދަށް ވެއްޓި މަރުވެއްޖެ އެވެ.
ފުލުހުން ބުނީ އެހާދިސާ ހިނގައިގެން އުޅޭ ކަމުގެ ރިޕޯޓު ލިބުނީ މިރޭ 08:55 ހާއިރު ކަމަށާއި އޭނާ ނަގައިގެން ހޮސްޕިޓަލަށް ގެންދިޔަ އިރުވެސް މަރުވެފައިވާ ކަމަށެވެ. އޭނާ ވެއްޓުނީ ދޯންޏަށް މުދާ ބަރުކުރުމަށްފަހު އޭގެ މަތީގައި ސަތަރިގަނޑެއް އަޅަން އުޅެނިކޮށެވެ.
ފުލުހުން ބުނީ އެ ދޯނީގައި ތިބި މީހުންނާއި ސުވާލު ކުރަން ފަށާފައިވާ ކަމަށެވެ.
އެއީ ބަންގްލަދެޝްގެ ރައްޔިތެކެވެ. އެ ދޯންޏަކީ ބަސީނާ ހާޑްވެއާގެ ދޯންޏެކެވެ.
