ރަސްމީ ދަތުރުފުޅެއްގައި ފޮރިންގ މިނިސްޓަރު ޑރ މުހައްމަދު އާސިމް އިނގިރޭސިވިލާތަށް ވަޑައިގެންފި އެވެ.
މިއީ ދެ ދުވަހުގެ މުއްދަތަށް ކުރައްވާ ދަތުރުފުޅެކެވެ. މި ދަތުރުފުޅުގައި ކޮމަންވެލްތުގެ އިސްވެރިންނާއި އިނގިރޭސިވިލާތުގެ ފޮރިންގ އެންޑް ކޮމަންވެލްތު އޮފީހުގެ ވެރިންނާއި ބައްދަލު ކުރައްވާނެ އެވެ.
އެގޮތުން އިއްޔެ ވަނީ އިނގިރޭސިވިލާތުގެ ފޮރިންގ އެންޑް ކޮމަންވެލްތު އޮފީހުގެ ފަރާތުން އޭޝިއާ ޕެސިފިކަށް ކަނޑައަޅާފައި ހުންނަވާ މިނިސްޓަރު އަލޮކް ޝަރުމާ އާއި ބައްދަލު ކުރައްވާފައި އެވެ. މި ބައްދަލުވުމާއި ގުޅޭގޮތުން ފޮރިންގ މިނިސްޓްރީން ބުނީ ދެ ގައުމުގެ ގުޅުން ވަރުގަދަ ކުރުމާއި ގުޅޭގޮތުން މަޝްވަރާ ކުރި ކަމަށެވެ.
އަދި މިނިސްޓަރު ޑރ އާސިމް ވަނީ ޑިމޮކްރަސީ ހަރުދަނާ ކުރުމަށް ސަރުކާރުން އަޅަމުންދާ ފިޔަވަޅުތަކުގެ މައުލޫމާތު ޝަރުމާއަށް ދެއްވާފައި ކަމަށެވެ. މި ބައްދަލުވުމުގައި ދެ ގައުމުގެ ދެމެދުގައި ވިޔަފާރީގެ ގުޅުން ހަރުދަނާ ކުރުމާއި ގުޅޭގޮތުން ވެސް މަޝްވަރާ ކުރެވުނު ކަމަށް ފޮރިންގ މިނިސްޓްރީން ބުނެއެވެ.
Good first meeting with #Maldives Foreign Minister Dr Mohamed Asim. Discussed importance of UK-Maldives relationship pic.twitter.com/Ox9LXc8TjB
— Alok Sharma (@AlokSharma_RDG) September 13, 2016
ދެން މިނިސްޓަރު ބައްދަލު ކުރައްވާފައިވަނީ ކޮމަންވެލްތުގެ ސެކްރެޓަރީ ޖެނެރަލް ޕެޓްރީޝިއާ ސްކޮޓްލެންޑާއި އެވެ. މި ބައްދަލުވުމުގައި ކޮމަންވެލްތާއި ރާއްޖެއާއި ދެމެދު ގުޅުން އިތުރަށްބަދަހި ކުރުމާއި ގުޅޭގޮތުން މަޝްވަރާ ކުރެއްވި އެވެ.
FM Asim calls on CW SG @PScotlandCSG Discussed on strengthening cooperation & continuing engagement with CW pic.twitter.com/laypSDyQiM
— Ministry of Foreign Affairs ???????? (@MoFAmv) September 13, 2016
މީގެ އިތުރުން މިނިސްޓަރުގެ މި ދަތުރުފުޅުގައި އިނގިރޭސިވިލާތުގެ އޯލް ޕާޓީ ޕާލަމެންޓްރީ ގްރޫޕުގެ ޗެއާމަނާއި އިތުރު މެންބަރަކާއި ވަނީ ބައްދަލު ކުރައްވާފައި އެވެ. މި ބައްދަލު ކުރެއްވުމުގައިވެސް މަޝްވަރާ ކުރައްވާފައިވަނީ ދެ ގައުމުގެ ގުޅުން ހަރުދަނާ ކޮށް އެއްބާރުލުން ދިނުމާއި ގުޅޭގޮތުން ކަމަށް ބުނެ އެވެ.
FM discussed with APPG Chair Sir David Amess & Ian Paisley MP,⁰ways to forge closer relations between two countries pic.twitter.com/rtpIhGh8Gq
— Ministry of Foreign Affairs ???????? (@MoFAmv) September 13, 2016
ފޮރިންގ މިނިސްޓަރު އިނގިރޭސިވިލާތަށް ވަޑައިގެން އެ ގައުމުގެ އިސް ބޭފުޅުންނާއި ކޮމަންވެލްތުގެ ބޭފުޅުންނާއި ގުޅުން ރަނގަޅު ކުރެއްވުމާއި ގުޅޭގޮތުން މަޝްވަރާ ކުރައްވަމުން މި ގެންދަވަނީ ސަރުކާރުގެ ބައެއް ނިންމުންޔަކަށް އެ ފަރާތްތަކުގެ ފާޑު ކިޔުން އަމާޒުވެފައިވަނިކޮށެވެ. އެގޮތުން ދާދިފަހުން އަމަލު ކުރަން ފެށި އަބުރުގެ ގާނޫނު މަޖިލީހަށް ހުށަހެޅުމުން ކޮމަންވެލްތާއި އިނގިރޭސިވިލާތް ހިމެނޭގޮތަށް ވަނީ ބާޔާނެތް ނެރެ އެ ބިލް އަނބުރާ ގެންދިއުމަށް ސަރުކާރަށް ގޮވާލާފައި އެވެ.
އެ ބަޔާނަށް ރައްދު ދީ ފޮރިންގ މިނިސްޓްރީން އޭރު ބުނެފައިވަނީ ދިވެހި ސަރުކާރުން އެ ބަޔާން ބަލައި ނުގަންނަ ކަމަށެވެ.
