މި އަހަރުގެ އަޟްހާ ޢީދު ކުލަގަދަ ގޮތެއްގައި ލ ފޮނަދޫގައި ފާހަގަ ކުރުމަށް ދައުލަތުގެ މީޑިއާ، ޕީއެސްއެމްއިން އެންމެ ފަހުގެ ތައްޔާރީތައް ވަމުން އަންނައިރު އެ ރަށުގައި ޢީދު ނަމާދު ބޮޑު ޖަމާއަތުގައި ކުރަން ނިންމައިފި އެވެ.
ދުވަހަށް މައުލޫމާތު ދެއްވަމުން ފޮނަދޫ ކައުންސިލްގެ ރައީސް އަހުމަދު ރިޔާޒް ވިދާޅުވީ ޢީދު ނަމާދު ބޮޑު ޖަމާއަތުގައި ކުރަން ނިންމާފައިވާއިރު ޢީދު ނަމާދު ބޮޑު ޖަމާއަތުގައި ކުރުމަށް ހަމަޖެހިފައިވަނީ އެ ރަށު ބަނދަރު ސަރަހައްދުގައި ކަމަށެވެ.
”ޢީދު ނަމާދު ކުރުން އޮންނާނީ ރަށުގެ ބަނދަރު ސަރަހައްދުގައި، އިމާމުވެ ޢީދު ނަމާދު ކޮށްދެއްވާނީ އިސްލާމިކް ޔުނިވާސިޓީގެ ޗާންސެލާ، ޑރ. މުހައްމަދު ޝަހީމް އަލީ ސަޢީދު“ ކައުންސިލް ރައީސް ވިދާޅުވި އެވެ.
ފޮނަދޫގައި ޢީދު ނަމާދު ބޮޑު ޖަމާއަތުގައި ކުރަން ނިންމާފައިވާއިރު ދައުލަތުގެ މީޑިއާ ޕީއެސްއެމްގެ ”ޢީދު އުފާ“ ކުރިއަށް ގެންދިއުމަށް ޕީއެސްއެމް އާއި ފޮނަދޫ ކައުންސިލުން އަންނަނީ އެންމެ ފަހުގެ ތައްޔާރީތައް ވަމުންނެވެ.
