ރާއްޖޭގެ ކޮރަޕްޝަނާއި ގުޅޭގޮތުން އަލްޖަޒީރާއިން ތައްޔާރު ކުރު ސްޓީލިންގ ޕެރެޑައިސް ޑޮކިއުމެންޓްރީ އަލްޖަޒީރާގެ ޔޫޓިއުބު ޗެނަލުގައި އާންމުކޮށްފި އެވެ.
އެ ޑޮކިއުމެންޓްރީ އެ ޗެނަލުން ދެއްކުމަށް ހަމަޖެހިފައިވަނީ މިއަހު ހަވީރު ރާއްޖޭ ގަޑިން 05:00 ގައި އެވެ. އަދި އަލްޖަޒީރާގެ އަރަބި ޗެނަލުން އެ ޑޮކިއުމެންޓްރީ ދެއްކުމަށް ހަމަޖެހިފައިވަނީ މާދަމާ ރޭ ދަންވަރު ރާއްޖެ ގަޑިން 12:05 ގައި އެވެ.
އަލްޖަޒީރާގެ ޔޫޓިއުބު ޗެނަލްގައި އާންމުކޮށްފަައިވާ އެ ޑޮކިއުމެންޓްރީގެ ދިގުމިނަކީ 48 މިނެޓު 35 ސިކުންތެވެ.
ޑޮކިއުމެންޓްރީ ފެށޭއިރު މާލޭގެ މަގުތަކެއް ދައްކާ އިރު އެންމެ ފުރަތަމަ ފެންނަނީ ފުލުހުން އިންޓަޕޯލް މެދުވެރިކޮށް ހޯދަން އިއުލާނުކޮށްފައިވާ މުހައްމަދު އައްލާމް ލަތީފުގެ އިންޓަވިއު އެކެވެ. އޭނާ އަކީ ހިބަޅިދޫއިން ފެނުނު ހަތިޔާރުގެ މައްސަލައިގަ ފުލުހުން ހޯދަމުންދާ މީހެކެވެ.
