ފ. ބިލެއްދޫ ބަނދަރުގެ ބޭރުތޮށީގެ މަސައްކަތާއި އާ ނެރެއް ހެދުމަށް އެމްޓީސީސީއާއި ހަވާލުކޮށްފި އެވެ.
ހައުސިންގ މިނިސްޓްރީން އެ މަސައްކަތް އެ ކުންފުންޏާއި ހަވާލުކޮށްފައިވަނީ 10.22މިލިއަން ރުފިޔާއަށް 160 ދުވަހުގެ ތެރޭގައި ނިންމާގޮތަށެވެ.
މިހާރުވެސް ބަނދަރު ހަދާފައި އޮންނަ ބިލެއްދޫ ބަނަދރުގައި އާ ނެރެއް ހަދަން ނިންމީ އެ ނެރު ހަދާފައި އޮތް ގޮތުން ބަނދަރުގެ ބޭނުން ނުހިފޭތީ ކަމަށް ހައުސިންގ މިނިސްޓްރީން ބުންޏެވެ. އަދި އެހެން ދިމާވަނީ ޖިއޮގްރަފިކަލް ގޮތުން ބިލެއްދޫ އޮތް ގޮތުން ކަމަށެވެ.
މަސައްކަތް ނިމޭއިރު68 މީޓަރުގެ ބޭރު ތޮށްޓެއް ލެވޭނެ އެވެ. އަދި އަލަށް ހަދާ ނެރުގެ ފުޅާމިނުގައި 24 މީޓަރު ހުންނާނެ އެވެ.
މި އެއްބަސްވުުގައި ހައުސިންގ މިނިސްޓްރީގެ ފަރާތުން ސޮއިކުރެއްވީ މިނިސްޓަރު ޑރ މުހައްމަދު މުއިޒެވެ. އެމްޓީސީސީގެ ފަރާތުން ސޮއި ކުރެއްވީ އެކުންފުނީގެ ޑެޕިއުޓީ މެނޭޖިންގް ޑިރެކްޓަރު އަޙުމަދު ކުރިކް ރިޒާއެވެ.
