ބޮލީވުޑްގެ ތަރި ޝާހިދު ކަޕޫރަށް އަންހެން ކުއްޖަކު ލިބިއްޖެ އެވެ.
ޝާހިދުގެ އަންހެނުން މީރާ ރާޖްޕުޓް ވިހެއީ މިރޭ ގާތްގަނޑަކަށް 07:56 ހާއިރު އިންޑިއާގެ މުމްބާއީގެ ހިންދުޖާ ހެލްތްކެއާ ސާޖިލަކް ހޮސްޕިޓަލުގައި އެވެ. ދެމައންގެ ހާލު ރަނގަޅުކަމަށް ރިޕޯޓުތަށް ބުނެ އެވެ.
ދެމަފިރިންނަށް ލިބުނު އުފާވެރިކަން ހަމަ އެވަގުތު ޝާހިދު ވަނީ އޭނާގެ ސަޕޯޓަރުންނާއި ޓުވިޓާ މެދުވެރިކޮށް ހިއްސާކޮށްފައި އެވެ. ޝާހިދަކީ އޭނާގެ ސަޕޯޓަރުންނަށް ދިރިއުޅުގައި ހިނގަމުންދާ ހުރިހާ އުފާވެރިކަމެއް ވަގުތުން ހިއްސާ ކުރަމުންދާ ދަރި އެކެވެ.
She has arrived and words fall short to express our happiness. Thank you for all your wishes.
— Shahid Kapoor (@shahidkapoor) August 26, 2016
ޝާހިދުއާއި މީރާ ކައިވެނިކޮށްފައިވަނީ މިދިޔަ އަހަރުގެ ޖުލައި ހަތެއްގައި އެވެ. ޝާހިދު އާއި މީރާ ދިމާވެފައިވަނީ ރާދާ ސޯމޯ ސަތްސަންގް ނަމަކަށް ކިޔާ ދީނީ އަޅުކަން ކުރަ ގްރޫޕަކުންނެވެ.
