ތ. ގުރައިދޫގެ އަންހެން ކަނބަލުންނަށް އަމާޒުކޮށްގެން ފުލުހުންނާއި ތ. ގުރައިދޫ އަންހެނުންގެ ކޮމިޓީ ގުޅިގެން ކަސްރަތު ޕްރޮގްރާމެއް ފަށައިގެން ކުރިއަށް އެބަގެންދެއެވެ.
ފުލުހުން މައުލޫމާތުދޭގޮތުގައި މި އޮގަސްޓް މަހުގެ 15 ވަނަ ދުވަހުން ފެށިގެން އެއް މަސް ދުވަހުގެ މުއްދަތަށް ކުރިއަށް ގެންދާ މި ކަސްރަތު ޕްރޮގްރާމަކީ ފުލުހުންނާއި ރައްޔިތުންނާ ދެމެދު އޮތް ގުޅުން މިހާރަށްވުރެ ބަދަހިކުރުމުގެ ގޮތުންނާއި ރައްޔިތުން ދުޅަހެޔޮ ސިއްޙަތެއްގައި ހުރުމަށް ބާރުއެޅުމުގެ ގޮތުން ކުރިއަށް ގެންދާ ޕްރޮގްރާމެކެވެ.
”ގުރައިދޫ ބޯޅަ ދަނޑުގައި ކުރިއަށްދާ މި ޕްރޮގްރާމުގައި ގްރައިދޫ އަންހެން ކަނބަލުންގެ ތެރެއިން 80 ފަރާތަކުން ބައިވެރިވެފައިވޭ، މި ޕްރޮގްރާމުގައި ދުޅަހެޔޮ ސިއްޙަތެއްގައި ހުރުމަށް ކަސްރަތުކުރުމުގެ މުހިއްމުކަމާއި ކަސްރަތު ކުރަންވީ ރަނގަޅުގޮތްތަކާއި ބެހޭގޮތުން މަޢުލޫމާތު ދެވޭނެ“ ފުލުހުން މައުލޫމާތު ދެ އެވެ.
ފުލުހުން ބުނީ މި ޕްރޮގްރާމްގައި ކަސްރަތު ކުލާސްތައް ކުރިއަށް ގެންގޮސްދެނީ ގުރައިދޫ ޕޮލިސް ސްޓޭޝަންގައި މަސައްކަތްކުރާ ފުލުހުން ކަމަށެވެ.
One Response
އަސްލުވެސް ތިީ ވަރަށް ރަގަޅުކަމެއް..