ހުޅުލެއާއި މާލެ އާއި ދެމެދު އަޅާ ބްރިޖު ބަލާލަން ތިބެން ފްލެޓުފޯމެއް އަލާދޭނެ ފަރާތެއް ހޯދަން އިއުލާންކޮށްފި އެވެ.
ހައުސިންގ މިނިސްޓްރީން ކޮށްފައިވާ އިއުލާނުގައި ބުނެފައިވަނީ އެފަދަ ޕްލެޓުފޯމެއް ހަދަން ނިންމީ ބްރިޖުގެ މަސައްކަތް ހިގަމުންދާގޮތް ބަލާލަން ގޮސް ލޮނުޒިޔާރަތްކޮޅުގައި ގިނަ އަދަދަކަށް މީހުން ތިބޭތީ އެމީހުންނަށް ލުއިފަސޭހަ ކޮށްދިނުމުގެ ގޮތުން ކަަމަށެވެ. މި ޕްލެޓުފޯމަށް ދީފައިވާ ނަމަކީ ބްރިޖު ވިއުއިން ޕްލެޓުފޯމެވެ.
ހައުސިްގ މިނިސްޓްރީން ކޮށްފައިވާ އިއުލާނާއި އެކު ފްލެޓުފޯމު އިންނަން ޖެހޭގޮތުގެ ކުރެހުމެއް އާންމުކޮށްފައިވެ އެވެ. ކުރެހުމުގަިއ އިންނަ ގޮތުން ބްރިޖު ބަލާލަން ގޮސް މީހުން ތިބެން ހަދަނީ ސިޑިބަރި އެކެވެ. އަދި އެތަނުގައި ކާއެއްޗެހި ވިއްކާ ކުޑަ ތަނެއް ހަދައި ވިޔަފާރި އުސޫލުން ކުއްޔަށްދޭން ވަނީ ނިންމާފައި އެވެ.
ހައުންސިން މިނިސްޓްރީން ބުނީ އެ ފިހާރަ ކުއްޔަށްދޭނީ މަހުން މަހަށް ސަރުކާރަށް ކުލި ދައްކާގޮތަށް ތިން އަހަރުގެ މުއްދަތަކަށް ކަމަށެވެ. ޗައިނާގެ ސީސީސިސީއާއި ހަވާލުކޮށްގެން ކުރިޔަށް ގެންދާ ބްރިޖުގެ މަސައްކަތް ނިމޭނެ ކަމަށް ބުނެފައިވަނީ 2018 ވަނަ އަހަރުގެ ޖުލައި އަށެވެ.
