ލާމު ލިންކްރޯޑްގައި ނުރައްކާތެރި އެކްސިޑެންޓެއް ހިނގައިފި

ލާމު ލިންކްރޯޑްގައި ނުރައްކާތެރި އެކްސިޑެންޓެއް ހިނގައިފި އެވެ.

 ދުވަހަށް މައުލޫމާތު ލިބިފައިވާގޮތުގައި މި އެކްސިޑެންޓް ހިނގާފައިވަނީ މިއަދު ހަވީރު 5:15 ހާއިރު ލ މާންދޫ ގަ އެވެ.

ދުވަހަށް މައުލޫމާތު ދެމުން މަންޒަރު ދުއް މީހަކު ބުނީ މި އެކްސިޑެންޓް ހިނގަން މެދުވެރިވީ ބާރު ސްޕީޑްގައި ގަމުން މާންދުއަށް ދުއްވާފައި ދިޔަ ސައިކަލެއް ކޮންޓްރޯލުން ނެއްޓިގެން ކަމަށެވެ.

”ސައިކަލުގައި ތިބީ ދެ ޒުވާނުން، އެއީ މާންދޫ ބެންޑް ކިޔާ ސަރަހައްދެއް، ބާރު ސްޕީޑްގައި ގޮސް ކޮންޓްރޯލް ނުވެ މަގުގެ އެއްފަރާތުގައި ހުރި ގާތެއްގައި ޖެހި ސައިކަލާއި އެކު ދެމީހުން ބުރައިގެން ދިޔައީ“ ދުވަހަށް މައުލޫމާތު ދިން މީހާ ބުންޏެވެ.

ދުވަހަށް މައުލޫމާތު ދިން މީހާ އިތުރަށް ބުނީ މި އެކްސިޑެންޓްގައި ދެ ޒުވާނުންނަށް މާ ބޮޑު އަނިޔާއެއް ވިކަން ބޭރުފުށުން ފެންނަން ނެތް ކަމަށާއި ނަމަވެސް އެކެއްގެ ގައިން އެކި ތަންތަން މެށި ލޭ އަންނައިރު އަނެކަކަށް މާބޮޑު އަނިޔާއެއް ލިބިފައި ނުވާކަމަށެވެ.

ލާމު ލިންކްރޯޑްގައި ނުރައްކާތެރި އެކްސިޑެންޓެއް ހިނގާފައިވާއިރު މިދިޔަ ހަފްތާގެ ތެރޭގައި ލާމު ކައްދުއާއި ފޮނަދުއާއި ދެމެދުގައި އޮންނަ ކޯޒްވޭ މަތީގައި ހިނގި ނުރައްކާތެރި އެކްސިޑެންޓްގައި ދެމީހަކަށް އަނިޔާވެފައި ވެ އެވެ. އެ އެކްސިޑެންޓް ހިނގަން މެދުވެރިވީ ބާރު ސްޕީޑްގައި ސައިކަލުގައިގޮތް ލައިޓެއްގައި ޖެހިގެން ކަމަށް ފުލުހުން މައުލޫމާތު ދެ އެވެ. އެ ދުވަހުގެ އެކްސިޑެންޓްގައި ސައިކަލު ހޮޅިދަނޑީގައި ޖެހި ދެމީހުންވެސް ކޯޒްވޭ ބޭރުން މޫދަށް ވެއްޓުނެވެ. އެ ދެމީހުން މޫދުން ނެގުމަށްފަހު ހޮސްޕިޓަލަށް ފޮނުވީ އެ މަންޒަރު ފެނުނު ބައެއް ފަރާތްތަކުންނެވެ.