އިކޮނޮމިކް އެންޑް ޔޫތް ކައުންސިލްގެ ޗެއާމަނަކަށް ރައީސުލްޖުމްހޫރިއްޔާގެ މިނިސްޓަރު އަހުމަދު ޒުހޫރު ހަމަޖައްސަވައި، ސޯޝަލް ކައުންސިލްގެ ޗެއާމަނަކަށް ނައިބު ރައީސް އަބްދުﷲ ޖިހާދު ހަމަޖައްސަވައިފި އެވެ.
#EYC ge Chair akah Min @AhmedZuhooru adhi Co-Chair akah Min @mshainee adhiSocial Council, Naibu Raees balahattavaa gothah Raees nimmavaifi
— ɪʙʀᴀʜɪᴍ ᴍᴜᴀᴢ ᴀʟɪ (@SpokespersonMV) August 2, 2016
ރައީސް އޮފީހުގެ ތަރުޖަމާން އިބްރާހިމް މުއާޒު އަލީ މިއަދު ކުރެއްވި ޓްވީޓެއްގައި ވިދާޅުވީ، އިކޮނޮމިކް ކައުންސިލްގެ ޗެއާމަނަކާސް ޒުހޫރު ހަމަޖައްސަވައި އެ ކައުންސިލްގެ ކޯ ޗެއާއަކަށް ފިޝަރީޒް މިނިސްޓަރު މުހައްމަދު ޝައިނީ ހަމަޖައްސަވާފައިވާ ކަމަށެވެ. އެ ކައުންސިލަކީ އިގްތިސާދާއި ވިޔަފާރި އަދި ޒުވާނުންނާ ގުޅޭ ކެބިނެޓްގެ އެކި ނިންމުންތައް ނިންމާ ކޮމިޓީއެކެވެ.
މީގެ ކުރިން އެ ކޮމިޓީގެ ޗެއާމަނަކަށް ހުންނެވީ ކުޜީގެ ނައިބް ރައީސ އަހުމަދު އަދީބެވެ. އަދީބު މަގާމުން ވަކި ކުރުމުން އެ ކައުންސިލްގެ މަސައްކަތް ކުރިޔަށް ގެންދިޔައީ ސީދާ ރައީސްގެ ބެއްލެވުމުގެ ދަށުންނެވެ.
މުއާޒު ވިދާޅުވީ ސޯޝަލް ކައުންސިލްގެ ހުރިހާ މަސައްކަތްތައް ބަލަހައްޓަވާނީ ނައިބު ރައީސް ކަމަށެވެ. އެ ކައުންސިލަކީ ސިއްހީ ދާއިރާގެ ކަންކަމާއި އިޖުތިމާއީ ދާއިރާގެ ނިންމުންތައް ނިންމާ ކޮމިޓީއެވެ.
ޒުހޫރު ހޯމް މިނިސްޓަރުކަމުން ވަކި ކުރައްވައި ރައީސުލްޖުމްހޫރިއްޔާގެ މިނިސްޓަރަކަށް ހަމަޖެއްސެވީ އިއްޔެ އެވެ.
