ފުލުހުން ތަހުގީގު ކުރަމުންދާ މައްސަލައަކާއި ގުޅިގެން ހޯދަން އިއުލާނުކުރި ފުވައްމުލަކު ދެ އަންހެންކުދިން މިރޭގެ ވަގުތެއްގައި ފުލުސް އޮފީހަށް ހާޒިރުވެފައިވާކަމަށް ފުލުހުން ބުނެފި އެވެ.
މިއަދު ފުލުހުން ހޯދަން އިއުލާނުކުރީ ޏ. ފުވައްމުލައް، ހޯދަޑު، އޯޝަންވިލާ، ނައުފާ އަޙްމަދު (17އ) އާއި ޏ. ފުވައްމުލައް، ހޯދަޑު، އޯޝަންވިލާ، ރަޝްފާ އަޙްމަދު (17އ) އެވެ.
ފުލުހުން މިއަދު ބުނީ މި ދެކުދިންނަކީ މޯލްޑިވްސް ޕޮލިސް ސާވިސްގެ ފެމިލީ އެންޑް ޗައިލްޑް ޕްރޮޓެކްޝަން ޑިޕާޓްމަންޓުން ތަހުގީގު ކުރަމުންދާ މައްސަލައަކާ ގުޅިގެން ހޯދަން ބޭނުންވެ، އުޅޭ ވަކި ތަނެއް ނޭނގުމުގެ ސަބަބުން ހޯދައި ނުފެނިފައިވާ ދެ ކުދިން ކަމަށެވެ.
