މިއަދު ފެށިގެން މި ދިޔަ 20 ވަނަ މަޖިލީހުގެ 2 ވަނަ ދައުރުގައި އެންމެ އިސްކަމެއް ދޭނީ ދާއިރާގެ ރައްޔިތުންގެ ކަންބޮޑުވުންތަކަށް ހައްލު ހޯދައިދިނުމަށް ކަމުގައި ހިތަދޫ މެދު ދާއިރާގެ މެންބަރު އަހްމަދު އަޒާން ވިދާޅުވެއްޖެއެވެ.
އަޒާން މިހެން ވިދާޅުވީ އޭނާގެ ސޯޝަލްސްގައި މިއަދު ކުރެއްވި ޕޯސްޓެއްގައެވެ.
އަޒާން ވިދާޅުވެފައިވަނީ އެންމެ ބޯޑު އިސްކަމެއް ދޭނީ މިދިޔަ މަޖިލިސް ޗުއްޓީ ދުވަސްތަކުގައި ދާއިރާގެ ރައްޔިތުންނާއެކު ބޭއްވުނު ބައްދަލުވުންތަކުގައި ރައްޔިތުން ހިއްސާކުރެއްވި ޚިޔާލާއި މަޝްވަރާއާއި އެއްގޮތަށް ރައްޔިތުންގެ ކަންބޮޑުވުންތަކާއި ދާއިރާއައަށް އަދި އައްޑޫއަށް ދިމާވެފައިވާ މައްސަލަތަކަށް ހައްލު ހޯދައިދިނުމަށާއި އައްޑޫގެ ތަރައްޤީގެ މަޝްރޫޢުތައް އަވަސްކުރުމަށާއި އަދި ނަޒާހަތްތެރިކަމާއެކު ހެޔޮ ވެރިކަމުގެ އުސޫލުތައް ނެގެހެއްޓުމަށް މަޖިލިސް މެންބަރެއްގެ ހައިސިއްޔަތުން މަސައްކަތް ކުރުމަށް ކަމަށެވެ.
