ކ. ގުރައިދޫގައި ހުންނަ ހާއްސަ އެހީއަށް ބޭނުންވާ މީހުންގެ މަރުކަޒުން މީހަކު ގެއްލިގެން ހޯދަން ފަށައިފި އެވެ.
ފުލުހުން ބުނީ އެ މީހާ ގެއްލިގެން ރިޕޯޓު ކޮށްފައިވަނީ ރޭ ގާތްގަނޑަކަށް 08:00 އެހާއިރު ކަމަށާއި ފުލުހުން އެމީހާ ހޯދުމުގެ މަސައްކަތް ކުރަމުންދާކަމަށެވެ. އެއީ އުމުރުން 28 އަހަރުގެ ފިރެހެނެކެވެ.
އެމީހާ ހޯދުމުގެ މަސައްކަތް ފުލުހުންނާއި ޖެންޑާ މިނިސްޓްރީއާއި ގުރައިދޫ ކައުންސިލާއި ކޯސްޓް ގާޑު ގުޅިގެން ކުރަމުން އަންނަ ކަމަށް ޖެންޑާ މިނިސްޓްރީން ބުންޏެވެ. އެ މިނިސްޓްރީން ކޮށްފައިވާ ޓްވީޓެއްގައި ބުނެފައިވަނީ ހާއްސަ އެހީއަށް ބޭނުންވާ މީހުންގެ މަރުކަޒުން މީހަކު ގެއްލިގެން ރެއިން ފެށިގެން ހޯދަމުން ދާކަމަށެވެ.
Khassa ehee ah beynunva meehunge marukazun meehaku gelligen Council aai Guraidhoo Rayyithun adhi fuluhun ge ehee gai rey hoadhan fashaifin.
— Ministry of Gender, Family and Social Services (@MoGFSSmv) December 13, 2014
އެމީހާ ނެތްކަން އެނގުނީ ރޭ ބޭސް ދޭންވެގެން ނަރުހުން އޭނާ ކައިރިއަށް ދިޔައިރު ނެތުމުންނެވެ.
