މި މަހުގެ ހަތަރު ވަނަ ދުވަހުގެ މެންދުރު 12:00 އިން ފެށިގެން ރާއްޖޭގައި އިއުލާނުކޮށްފައިވާ ކުއްލި ނުރައްކަލުގެ ހާލަތު އުވާލައިފިއެވެ.
”ކުއްލި ނުރައްކަލުގެ ހާލަތު އުވާލުމަށް ރައީސް ޔާމީން ނިންމަވާފައި މިވަނީ އިސްވެ ދެންނެވުނު މައްސަލައާ ގުޅިގެން ސަލާމަތީ ބާރުތަކުން ކުރަމުންގެންދާ މަސައްކަތަށް ކުރިއެރުންތަކެއް އައިސްފައިވާ ކަމަށާއި. ނުރައްކާތެރި ހަތިޔާރާއި ގޮވާތަކެތި ބޭނުން ކުރުމަށް މަސައްކަތް ކުރަމުން ދިޔަ މީހުން ހަޔަރުކޮށްފައިވާ ކަމަށާއި. ދިވެހިރާއްޖޭގެ އެންމެހާ ރައްޔިތުންގެ ސަލާމަތާއި ރައްކާތެރި ކަމަށާއި. އަދި ގައުމީ ސަލާމަތައް ފިޔަވަޅުތަކެއް އެޅިފައިވާ ކަަމަށް ސަލާމަތީ ބާރުތަކުން މިއަދު ވަނީ ރައީސް ޔާމީނަށް ދަންނަވާފައި،“ ކުއްލި ނުރައްކަލުގެ ހާލަތު އުވާލިކަން އިއުލާނު ކުރައްވަމުން އޭޖީ އަނިލް ވިދާޅުވި އެވެ.
