ތަފާތު އެކި ދުވަސްމަތިން 18 އަހަރު ނުފުރޭ ކުޑަ ދެ އަންހެން ކުއްޖަކާ ގަދަކަމުން ބަދުއަޚުލާޤި ޢަމަލު ހިންގިކަމަށް ތުހުމަތުކުރެވޭ ދެ މީހަކު ހައްޔަރުކޮށްފި އެވެ.
މި މައްސަލައާ ގުޅިގެން ހައްޔަރުކޮށްފައިވަނީ 25 އަހަރުގެ ފިރިހެނަކާއި 26 އަހަރުގެ ފިރިހެނެކެވެ. މި ދެ މީހުންނަކީވެސް ދެ ދިވެހިންނެވެ.
ފުލުހުން ބުނީ އެމީހުން ހައްޔަރުކޮށްފައިވަނީ، ފުލުހުންނަށް 2015 އޮކްޓޯބަރ 01 ވަނަ ހުށަހެޅުނު، 18 އަހަރު ނުފުރޭ ކުޑަ ދެ އަންހެންކުއްޖަކާ ގަދަކަމުން ބަދުއަޚުލާޤީ އަމަލު ހިންގަމުންދާކަމަށް ތުހުމަތުކުރެވޭ މައްސަލައަކާ ގުޅިގެން އިއްޔެ މެންދުރުފަހުގެ ވަގުތެއްގައި ގއ. ވިލިނގިލިން ކޯޓު އަމުރެއްގެ ދަށުން ކަމަށެވެ.
