ބޮލީވުޑްގެ ބަތަލާ ޝިލްޕާ ޝެޓީ، އޭނާގެ ފިރިމީހާ ރާޖް ކުންދުރާގެ އުފަން ދުވަސް ރާއްޖޭގައި ފާހަގަކޮށްފި އެވެ.
ރާއްޖޭގައި އުފަންދުވަސް ފާހަގަކުރާ ބައެއް ފޮޓޯތައް ސިލްޕާ އޭނާގެ އިންސްޓަގްރާމަށް އަޕްލޯޑް ކޮށްފައިވާއިރު ރާޖް ވަނީ ޓްވިޓާގައި ބައެއް ފޮޓޯތަށް އާންމުކޮށް ސިލްޕާގެ ފަރާތުން ލިބުނު ސަޕްރައިޒަށް ޝުކުރު އަދާކޮށްފަ އެވެ.
ފިރިމީހާގެ އުފަންދުވަސް ފާހަގަކުރުމަށް ޝިލްޕާ ރާއްޖެ އައީ މިދިޔަ ހޯމަ ދުވަހު އެވެ. އެތައް ފަހަރަކު ރާއްޖެ ޒިޔާރަތްކޮށްފައިވާ ފިލްމީ ތަރި މި ފަހަރު ރާއްޖެ އައީ އެ ދެމީހުންގެ ދަރި، ވިއާންވެސް ގޮވައިގެންނެވެ.
