ހީރޯ އިންޑިއަން ސުޕަރލީގުގައި ރޭ ކުޅުނު މެޗުގައި ކެރެލާ އަތްދަށުވެ ކޮލްކަޓާއަށް ތާވަލުގެ އެއްވަނަ ގެއްލިއްޖެއެވެ.
ނެހުރޫ ސްޓޭޑިއަމްގައި ކުޅުނު މެޗު ކެރެލާ ބްލާސްޓަރސްއިން ކާމިޔާބުކޮށްފައިވަނީ 2-1 ގެ ނަތީޖާއަކުންނެވެ. މެޗުގެ ފުރަތަމަ ގޯލް ކެރެލާ ބްލާސްޓަރސްގެ ފޯވަރޑް ހުމޭ ކާމިޔާބުކޮށްދީފައިވަނީ މެޗުގެ 4 ވަނަ މިނެޓުގައެވެ.
މެޗަށް އަނބުރާ އައުމަށް ކޮލްކަޓާއިން މަސައްކަތްކުރި ނަމަވެސް ހުރަހަކަށްވީ ކެރެލާ ބްލާސްޓަރސް އަދި ކުރީގެ އިންގްލެންޑުގެ ގައުމީޓީމުގެ ކީޕަރ ޑޭވިޑް ޖޭމްސްއެވެ.
ފުރަތަމަ ހާފް ނިމުމުގެ ކުރިން ކެރެލާއިންވަނީ މެޗުގެ ލީޑު ފުޅާކޮށްފައެވެ. އެގޮތުން މެޗުގެ 42 ވަނަ މިނެޓުގައި ކެރެލާގެ ދެވަނަ ގޯލް ކާމިޔާބުކޮށްދީފައިވަނީ ގުސްމާއޯއެވެ.
ދެވަނަ ހާފް ފެށިގެން މާ ގިނައިރެއްނުވެ ކޮލްކަޓާއިންވަނީ ގޯލެއް ކާމިޔާބުކޮށްފައެވެ. ފިކުރޫގެ ގޯލާއެކު ކޮލްކަޓާއިންވަނީ ކުޅުން ރަނގަޅުކޮށް ގިނަ ހަމަލާތަކެއްވެސް އުފައްދާފައެވެ. ނަމަވެސް މެޗު ނިންމާލަންޖެހުނީ ބައްޔަކާއެކުގައެވެ.
މެޗުން ބަލިވެ ކޮލްކަޓާވަނީ އިންޑިއަން ސުޕަރލީގުގެ ތާވަލުގެ 2 ވަނައަށް ވެއްޓިފައެވެ. ކެރެލާ ބްލާސްޓަރސްވަނީ ތާވަކުގެ 3 ވަނައަށް ޖެހިލާފައެވެ. ލީގުގެ މެޗެއް މިރޭވެސް ކުޅޭނެއެވެ. ބައްދަލުކުރާނީ އެފްސީ ގޯއާ އަދި ޕޫނޭ އެފްސީއެވެ.
