ޑރ. ފާތިމަތު ނަޒްލާ ރަފީގު -- ފޮޓޯ: ހެލްތް މިނިސްޓްރީ
ޑރ. ފާތިމަތު ނަޒްލާ ރަފީގު -- ފޮޓޯ: ހެލްތް މިނިސްޓްރީ

ހޯނޑެއްދޫގަ ބަޔަކަށް ބަލި ޖެހުނީ ކަރަންޓީންގައި ތިބި މީހުންގެ ފަރާތުން ކަމަށް ނުބެލެވޭ

ގދ. ހޯނޑެއްދޫގައި 19 މީހަކަށް ކޯވިޑް-19 ޖެހުނީ އެ ރަށުގައި ހޯމް ކަރަންޓީންގައި ތިބި ދެމީހުންގެ ފަރާތުން ކަމަށް ނުބެލެވޭ ކަމަށް އެޗްއީއޯސީން ބުނެފި އެވެ.

އެ ރަށުގައި ކޯވިޑަށް ފުރަތަމަ ޕޮސިޓިވްވެފައިވަނީ ހޯމް ކަރަންޓީންގައި ތިބި ދެ މީހެކެވެ. އޭގެ ފަހުން އިތުރު ދެ މީހަކު ޕޮސިޓިވްވެ އެމީހުންގެ ފަރާތުން އިތުރު 17 މީހުންނަށް ބަލި ޖެހުނެވެ.

ނޫސްވެރިންނަށް މައުލޫމާތު ދެއްވަމުން އެޗްއީއޯސީގެ ތަރުޖަމާނު ޑރ. ފާތިމަތު ނަޒްލާ ވިދާޅުވީ ކަރަންޓީންގައި ތިއްބަ ޕޮސިޓިވްވި މީހުންގެ ފަރާތުންނާއި އެކި ގޮތްގޮތުން ހޯދި މައުލޫމާތުތަކަށް ބަލާއިރު ކަރަންޓީންގައި ތިބި މުއްދަތުގައި އެމީހުންނާއި އިތުރު ބަޔަކު ބައްދަލުވެފައެއް ނުވެ އެވެ. އަދި އެމީހުން ބަލި ފެތުރޭނެ ފަދަގޮތަށް ބޭރަށް ނުކުމެ އުޅެފައި ނުވާކަމަށެވެ.

ޑރ. ނަޒްލާ ފާހަގަ ކުރެއްވިވި ގޮތުގައި ކަރަންޓީންގައި ތިބި މީހުންނަކީ ފުރަތަމަ އެ ރަށުން ޓެސްޓު ކުރެވުނު މީހުންނަށްވާތީ އޭގެ ކުރިން ރަށަށް ބަލި ގޮސްފައި އޮތުމަކީވެސް ބެލެވޭ ގޮތެއް ކަމަށެވެ.

އެހެންވެ ބެލެވެނީ ދެން ޕޮސިޓިވްވި މީހުންނަށް ބަލި ޖެހިފައިވަނީ މާލެއިން މީގެ ކުރިން ގޮސްފައިވާ ބައެއްގެ ފަރާތުން ނުވަތަ އެރަށަށް ދިޔަ އެހެން ރަށެއް ނުވަ މަސްވެރިކަން ކުރާ އުޅަނދެއްގައި ދަތުރު ކުރި ބައެއްގެ ފަރާތުން ކަމަށް ޑރ. ނަޒްލާ ވިދާޅުވި އެވެ. އޭނާ ވިދާޅުވީ ހޯނޑެއްދޫއަށް ބަލި ދިޔަގޮތް ހޯދުމަށް އެފަދަ ހުރިހާ އެންމެންނާއި ސުވާލުކޮށް މައުލޫމާތު ހޯދަމުން އަންނަ ކަމަށެވެ.

އަދި ބަލި ފެތުރިިފައިވާ ވަރު ބަލަން ހޯނޑެއްދޫ އާއި މަޑަވެލީގައި ރެންޑަމް ސާމްޕަލް ނެގުން އަދިވެސް ކުރިޔަށް ގެންދާ ކަމަށް ވިދާޅުވި އެވެ. އެކަމަކުއިތުރު ބަޔަކު ޕޮސިޓިވްވެފައެއް ނުވެ އެވެ.

މިހާތަނަށް އަތޮޅު ތެރޭގެ 35 ރަށަކުން ކޯވިޑް-19 އަށް މީހުން ޕޮސިޓިވްވެފައިވެ އެވެ. ހޯނޑެއްދޫ ފިޔަވާ ހުރިހާ ރަށެއްގައި ތިބި ޕޮސިޓިވް މީހުންނަކީ ހޯމް ކަރަންޓީން ފުރިހަމަ ކުރުމުން ޕޮސިޓިވްކަން އެނގުނު މީހުންނެވެ.

ހިއްސާ ކުރައްވާ!
Share on facebook
Share on twitter
Share on telegram
Share on whatsapp
Share on email
ހިއްސާ ކުރައްވާ!
Share on facebook
Share on twitter
Share on telegram
Share on whatsapp
Share on email
މި ލިޔުމާމެދު ދެކެނީ ކިހިނެއް؟

ޚިޔާލު ފާޅުކުރައްވާ!

4 Responses

  1. Quarenteen ga thibi meehunna thi positive vi geyge meehun bahdhdhalu kohfa vaakan engey eththah bayaku erashuga ebathibi. Ekan aee nuvaakamakah hadhan ulhunas mi bali erashah fethurigai vanee hama quarenteen ga thibi meehunge faraathun. Ehen noonama emeehunnaa gulhun neiy family thakunves meehun positive vaane.

  2. Mauloomaathu libifa vaa gothun quarantine ga thibi meehunge therein ekaku aee Male’ in ai iru male in positive vefaivaa meehehge direct contact eh. Erashu enmen dhanna bodu sirru aee. Egeah a family ge 2 kuhjaku vaiy kamah vey. Ekudhin ge faraathun fethurunu ehcheiy kamah vey. Sirru kurumakee goaheh. Farudhee zimma mi kiyanee konkamakah? Boa halaaku

  3. Suvaalakee eh aailaaehge therey Bali fethuren jehehey sababakee kobaihey… Home quarantine gathibee eaailaage dhemeehun.. Adhi Bali bodah rashuthereah fethurifai vanee Dhevana ah positive vi Anhen kuhjaage firimeehaa faraathun kamahves habarulibifa huree

ހިޔާލު ދެއްވާ!

Your email address will not be published.