ޓްރަމްޕް މެދުވެރިއަކަށްވެ، އިޒްރޭލާ އެކުވެރި އަރަބި އިމާރާތް ސުލްހައިގެ އެއްބަސްވުމަކަށް

އެމެރިކާގެ ރައީސް ޑޮނާލްޑް ޓްރަމްޕު މެދުވެރިއެއްގެ ރޯލު އަދާކޮށް، އިޒްރޭލާއި އެކުވެރި އަރަބި އިމާރާތާއި ދެމެދު ސުލްހައިގެ އެއްބަސްވުމެއް އެކުލަވާލައިފިއެވެ.

މި އެއްބަސްވުމުގެ ވާހަކަ ޓްރަމްޕު އިއުލާނުކުރައްވާފައިވަނީ ވަރަށް ބޮޑު ކާމިޔާބީއެއްގެ ގޮތުގައެވެ. މެދުއިރުމަތީގެ ސުލްހައަށް ލިބުނު އިންގިލާބީ ކާމިޔާބީއެއްގެ ގޮތުގައެވެ. އަދި މިއީ ނުވާނެ ކަމެއް ކަމަށް ބަޔަކު ދެކުނު ކަމަށެވެ.

މި އެއްބަސްވުމުގެ ދަށުން، އެކުވެރި ގަލްފުގެ އެންމެ ވަރުގަދަ އެއް ގައުމުކަމަށްވާ އެކުވެރި އަރަބި އިމާރާތާއި އިޒްރޭލުން ވަނީ ދެ ގައުމުގެ ދޭދޭ ގުޅުން ބަދަހިކުރުމަށް އެއްބަސްވެފައެވެ. އިޒްރޭލުން ވަނީ ފަލަސްތީނުގެ ހުޅަނގު ބިތުގައި އިތުރަށް ވަޒަންވެރިވުން ހުއްޓާލާނެ ކަމަށްވެސް އެއްބަސްވެފައެވެ.

ޓްރަމްޕް ފާހަގަކުރެއްވި ގޮތުގައި އޭނާއަށް އެ ގެނެވުނީ 49 އަހަރުވެފައިވާ ބޮޑު މައްސަލައެކެވެ. އެ ދެ ގައުމުގެ މެދުގައި ރަނގަޅު ގުޅުމެއް ނެތްތާ 49 އަހަރު ވެދާނެ ކަމަށް ޓްރަމްޕް ސިފަ ކޮށްފައިވެއެވެ.

ނޮވެމްބަރު މަހު އެމެރިކާގެ ރިޔާސީ އިންތިހާބު ބޯމަތީގައި އޮތް އިރު، ޓްރަމްޕު އިތުރަށް ބުނެފައިވަނީ މެދުއިރުމަތީގެ ސުލްހައިގެ އިތުރު އެއްބަސްވުންތައްވެސް ހުރީ ކުރިއަށް ކަމަށެވެ.

 

ހިއްސާ ކުރައްވާ!
Share on facebook
Share on twitter
Share on telegram
Share on whatsapp
Share on email
ހިއްސާ ކުރައްވާ!
Share on facebook
Share on twitter
Share on telegram
Share on whatsapp
Share on email
މި ލިޔުމާމެދު ދެކެނީ ކިހިނެއް؟

ޚިޔާލު ފާޅުކުރައްވާ!